రాఖి పండుగ సందర్భంగా అన్నయ్య ఆలోచనలు :
నాకు మా అమ్మ చిన్నప్పుడు వాళ్ళ అన్నయ్య గురించి చెప్పినప్పుడల్లా మా మామయ్య (పెద్ద మామయ్య) చాల హీరోల అనిపించేవాడు. తండ్రి లేని తనకి అన్నీ చూసి పెళ్లి చేసిన మామయ్య గురించి మా అమ్మ ఎప్పుడూ గొప్పగా చెపుతూ వుంటే మనకి కూడా ఒక చెల్లెలు ఉంటె మనం ఇలాగే (కాదు కాదు ఇంత కంటే బాగా- ఎలాగో మనకు ఆ వయసులో తెలియక పోయినా) చూసుకోవాలని అనుకునేవాడిని. ఆ తరవాత మన అభిమాన హీరో కృష్ణ గారి సినిమాలో "నెంబర్ 1 బిరుదు కాదు బాధ్యత" అన్న డైలాగ్ దగ్గరనించి కృష్ణ గారు చేసే ప్రతీ పనికీ అన్నయ్య అంటే ఇలాగే వుండాలని డిసైడ్ అయిపోయి ఆ రోజు నించి ఇక చందన్నయ్య అని ఎవరైనా అంటే మనం నట శేఖర లెవెల్ ఫీలింగ్. నిజానికి అన్నయ్య ఆలోచనలు చిన్నప్పుడు అలా వున్నా, ఎదిగిన తరవాత చాల మారిపోతాయి. ఈ రోజులలో అన్నయ్య ఇంటికి చనువుగా వెళ్లి నాలుగు రోజులు ఆనందం గా గడిపే అదృష్టం చాల మంది చెల్లెళ్ళకు లేదు అనిపిస్తుంది. ఈ రాఖి పండుగ సందర్భంగా ఈ అన్నయ్య aalochanalu
మన అనుబంధం విలువ తెలిసిన నాటి నించి
చిన్నప్పటి చెల్లిని బొమ్మలా చూసుకోవాలని అనుకున్నాను
ఎదుగుతున్న చెల్లికి జాగ్రత్తలు చెప్పాలని అనుకున్నాను
వూరు దాటి వెళ్తుంటే తోడు వెళ్ళాలని అనుకున్నాను
పెళ్లైనప్పుడు నా చేతులతో పందిరి వెయ్యాలనుకున్నాను
అత్తారింటికి వెళ్లే టప్పుడు పుట్టింటి పరువు నిలబెట్టే పద్ధతి చూపాలనుకున్నాను
పిల్లలకు తల్లివైనప్పుడు అమ్మలోని ఓ ర్పు నీకున్నదని గుర్తు చెయ్యాలనుకున్నాను
నీ ప్రతీ అడుగుకి ముందు నేనుండీ నీకు బాట చేద్దామని అనుకున్నాను
నీ కష్టాలకి అడ్డుపడి నీ కన్నీటిని ఆపేద్దామని అనుకున్నాను
కానీ ఇప్పటికి తెలుసుకున్నాను
నీకు ఇవేవీ అక్కరలేదని
నీకు నేను ఉన్నాననే ఒక్క మాట చాలని
ఆ మాట నీకు ఇచ్చే అదృష్టానికి ప్రతిఫలంగా
ఇంత అభిమానాన్ని మూట గట్టుకుంటానని
true... that feeling is the best gift one can offer.. that security is not measured in words.
రిప్లయితొలగించండిsree,
రిప్లయితొలగించండిThank you.