2, సెప్టెంబర్ 2010, గురువారం

జల్సా - హైప్ లేకపోయుంటే పవర్ ఫుల్ మూవీ అయ్యేది పవన్ కి

హైప్ లేకపోయుంటే జల్సా పవన్ కి పవర్ ఫుల్ మూవీ అయ్యేది. ఇదేంటిరా అని అనుకుంటున్నారా. నిజమే, లేకపోతే మొదటి సారి చూసినప్పటికీ రెండో సారి చూసినప్పటికీ సినిమా మనకి తేడా కనిపిస్తుంది. నేను ఈ సినిమా మ్యూజిక్ రిలీజ్ ఐనప్పుడు టీవీ లో ప్రోమోస్ చూసాను. దేవిశ్రీ సంగీతం అదిరింది, దానికి తోడు ఇక మా గురువు సిరివెన్నెల గారు రాసిన టైటిల్ సాంగ్ అయితే కేక. అప్పుడే జనాల మెమరీ లో ఫ్రెష్ గా వున్న సునామీ లాంటి పదాలు ప్రయోగించడంతో,  జల్సా టైటిల్ సాంగ్ జనాలలో విపరీతమైన క్రేజ్ తీసుకొచ్చింది.  ఇంకో పాటలో "గాల్లో తేలినట్టుందే, గుండె పేలినట్టుందే ఫుల్ బాటిలెత్తి దించకుండా తాగినట్టుందే" విని ప్రతి మగాడూ "ఆహా! ఎంత బాగా రాసారు ఫీలింగ్ అని ఫీల్ అయ్యారు".
 సినిమా  రిలీజ్ ఐనప్పుడు హైదరాబాద్ లో వున్నాను.  వందలాది హళ్ళలో ఒకే సారి రిలీజ్ చేస్తున్నారని, అంటే సినిమా అంత బాలేదని టాక్. దానికి తోడు సినిమా చూసినప్పుడు హాల్లో హడావిడి. సాంగ్స్ అనుకున్నంత బాగా షూట్ చెయ్యలేదని, సినిమాలో కంటే బయటే బావున్నాయని అనిపించింది. మళ్ళీ మన పవర్ స్టార్ పవన్ పుట్టిన రోజు నాడు మరో సారి చూస్తుంటే, "అరె! ఇది మనం అనుకున్నంత బ్యాడ్ గా లేదు అనిపించింది." ముఖ్యంగా కామెడీ తో పాటు కొన్ని పవర్ ఫుల్ డైలాగులు- త్రివిక్రమ్ మార్క్ కామెడీ లోనే కాదు, సీరియస్ డైలాగులు కూడా బావుంటాయి అనిపించింది.

నిజ్జంగా నిజం, కావాలంటే ఈ కింద డైలాగ్ చదవండి.

"కష్టాలా! ఖరీదైన బైక్ లో తిరుగుతూ, ఏసీ రూముల్లో ఉంటూ, వేలకు వేలు ఖరీదు చేసే డిజైనర్ గుడ్డలు వేసుకు తిరిగుతూ రోజుకు వెయ్యి రూపాయలు ఖర్చు చేసే నీకు, కష్టాల గురించి మాట్లేడే హక్కు లేదు.
 స్కూల్ కి వెళ్ళాలంటే పోను నాలుగు కిలోమీటర్లు, రాను నాలుగు కిలోమీటర్లు రోజుకు ఎనిమిది కిలోమీటర్లు నడవాలని సంగతి నీకు తెలుసా?
 అన్నం అంటే జొన్న అన్నం తినాలని , వరి అన్నం ఆర్నేల్లకోసారే వండుకుంటారని,  పరమాన్నం వండినప్పుడే  పండగ అంటారని నీకు తెలుసా?
ఆడుకోవలసిన పసి వయసులో సరైన వైద్యం అందక బిడ్డలు చనిపోతారనే విషయం నీకు తెలుసా?
ఆకలేస్తే నేల వైపు, దాహమేస్తే ఆకాశం వైపు చూసే మనుషులు ఇంకా బతికే వున్నారని- నువ్వు బతికే ఈ సమాజంలో బతుకుతున్నారని నీకు తెలుసా?
తండ్రి చచ్చిపోయిన ఆరు గంటలకు తల్లి చచ్చిపోతే ఆ భాద ఎలా వుంటుందో, నువ్వు ఎప్పుడైనా అనుభవించావా?
కంటికి కనిపించని ఏదో ఒక శక్తి మనల్ని కొన్ని టన్నులు బరువుతో భూమిలోకి తొక్కుతున్నట్లు నీకు ఎప్పుడైనా అనిపించిందా?
వయసులో ఉండగానే బాధతో భుజాలు కుంగిపోవడం నువ్వెప్పుడన్నా అనుభవించావా?
ఈ సమాజంలో బతకడానికి మనకున్న పేరు, మనకున్న  అధికారం,  మన శక్తి-  ఏదీ  సరిపోదు. ఈ జనం మధ్య బతకలేక దూరంగా పారిపోవాలని నీకు ఎప్పుడైనా అనిపించిందా.
అడవి నీకు ఎప్పుడైనా అమ్మలా అనిపించిందా.
తుపాకీ పట్టుకుంటే ధైర్యం గా ఉంటుందని నీకు ఎప్పుడైనా అనిపించిందా
 బతకాలంటే ఇంకొకడిని చంపడం తప్ప మనం బ్రతకలేమని నీకు ఎప్పుడైనా అనిపించిందా. నాకు అనిపించింది.
ఇక్కడ కష్టం గురించి మాట్లాడే హక్కు నాకు మాత్రమే ఉంది, నీకు లేదు, కచ్చితంగా నీకు లేదు"
ఇది కాక ఒక మంచి డైలాగ్.  హీరోయిన్ తో హీరో ఒక సీన్ లో.
"అందంగా వుండడం అంటే మనకి నచ్చేలా వుండడం, ఎదుటి వాళ్లకు నచ్చేలా వుండటం కాదు."

బావుంది కదా?. అందుకనే అన్నాను హైపు లేకపోయుంటే జల్సా పవర్ ఫుల్ మూవీ అయ్యేది పవన్ కి.
ఈ సారి మా టీవీ (అంటే మీ టీవీ లో వొచ్చే MAA ఛానల్ లో) లో మళ్ళీ వేస్తే సరిగ్గా "జల్సా" చూసుకుని జల్సా చేసుకోండి.

6 వ్యాఖ్యలు:

  1. totally agree with the last dialogue and it caught my attention too... i am not really keen on each and every conversation but some do really make an impression.

    ... some movies just dont really work that magic out at box office but simplicity and honesty in dialogues weaves a magic on screen for the viewers...

    ప్రత్యుత్తరంతొలగించు
  2. నాకు మొదటి రోజు రెండవసారి చూసినపుడే ఈ విషయం తెలిసిపోయింది.

    ప్రత్యుత్తరంతొలగించు
  3. ఈ సినిమా నాకూ నచ్చిందండి. ముఖ్యంగా పవన్ ప్రెస్ తో మాట్లాడుతున్నట్లు... అలాంటి సీన్లే మరికొన్ని ఉన్నాయి. extreme creativity అనిపించింది.

    ప్రత్యుత్తరంతొలగించు
  4. Prasadam Gaaru,
    Avunu.. Illanti scenes chaala vunnai.
    Sree Garu,
    It may not have worked at the box office for the hype created, but I am sure people like to watch it every time it's on TV.
    శ్రీ gaaru,
    Modati roje rendosaari choosarante, meeru aa tharavatha chaala saarlu choosi vuntaaru.. meelanti valle kaavali mana tollywood ki. keep it up.

    Chandu

    ప్రత్యుత్తరంతొలగించు